विज्ञान सोपे करून सांगण्यात जयंत नारळीकर यांचे मोठे योगदान : आशीष शेलार
मुंबई : ‘विज्ञान सोपे करून सांगण्याच्या कार्यात पद्मभूषण जयंत नारळीकर यांचे मोठे योगदान होते. मुलांना विज्ञानाची गोडी खऱ्याअर्थाने जयंत नारळीकर यांनी लावली,’ असे गौरवोद्गार सांस्कृतिक कार्य मंत्री ॲड. आशीष शेलार यांनी काढले. भारतीय विज्ञानजगताचे अध्वर्यू, पद्मभूषण प्रा. जयंत नारळीकर यांची महाराष्ट्र शासनाच्या राजीव गांधी विज्ञान व तंत्रज्ञान आयोगामार्फत शुक्रवारी (ता. २३) आयोगाच्या कार्यालयात शोकसभा आयोजित करण्यात आली होती. या सभेला राज्याच्या मुख्य सचिव सुजाता सौनिक, आयोगाचे अध्यक्ष डॉ. अनिल काकोडकर, राजीव गांधी विज्ञान व तंत्रज्ञान आयोगाचे सल्लागार डॉ. अ. वि. सप्रे, नेहरू तारांगणचे संचालक अरविंद परांजपे,⁠ प्राचार्य अनिरुद्ध पंडित यांच्यासह आयोगाचे सदस्य व विज्ञान तंत्रज्ञान क्षेत्रातील तज्ज्ञ प्राध्यापक उपस्थित होते.
.............