शेंदूरवादा : गंगापूर तालुक्यातील टेंभापुरी मध्यम प्रकल्पात शुक्रवारी (ता. १) दुपारी सुमारे २.३० वाजण्याच्या सुमारास अवैध मुरूम उत्खननामुळे तयार झालेल्या खोल खड्ड्यात पाणी साचल्याने तीन तरुणांचा बुडून दुर्दैवी मृत्यू झाल्याची धक्कादायक घटना घडली आहे. मृतांमध्ये शैलेश जोगदंड (रा. परभणी), शैलेश हेलसकर व अविष्कार लोखंडे (रा. नांदेड) यांचा समावेश असून तिघेही अंदाजे २५ ते ३० वयोगटातील आहेत. ते सर्वजण सध्या वाळूज परिसरातील एका कंपनीत कार्यरत होते.
