अल्पसंख्याक शाळांच्या मान्यतेसाठी समिती ः भुसे
मुंबई, ता. ९ : राज्यातील अल्पसंख्याक शाळांच्या मान्यतेसंदर्भात आढावा घेण्यासाठी समिती स्थापन केली जाईल. समितीच्या चौकशीत गैरव्यवहार आढळल्यास योग्य ती कारवाई करण्यात येईल, अशी माहिती शिक्षणमंत्री दादा भुसे यांनी विधानसभेत दिली.
शाळांना अल्पसंख्याक दर्जा मिळवून मोठ्या प्रमाणात गैरप्रकार होत असल्याबाबत आमदार गजानन लवटे, प्रशांत बंब, नाना पटोले यांनी प्रश्न उपस्थित केला होता. त्यावर मंत्री भुसे यांनी उत्तर दिले.