शिक्षक अभियोग्यता व बुद्धिमत्ता चाचणीचा निकाल
-६३२० उमेदवारांचा निकाल ठेवला राखून

मुंबई, ता. १८ राज्यातील सरकारी अनुदानित शाळांमध्ये शिक्षकांच्या रिक्त पदावरील भरतीसाठी घेण्यात आलेल्या शिक्षक अभियोग्यता व बुद्धिमत्ता चाचणी (टेट) परीक्षेचा निकाल आज महाराष्ट्र राज्य परीक्षा परिषदेकडून जाहीर करण्यात आला. या परीक्षेला बसलेल्या २,११,३०८ उमेदवारांपैकी १०,७७८ उमेदवारांचा निकाल जाहीर करण्यात आला आहे, तर उर्वरित कागदपत्रे आणि इतर काही तांत्रिक कारणामुळे ६,३२० उमेदवारांचा निकाल राखून ठेवण्यात आला असल्याची माहिती परीक्षा परिषदेकडून देण्यात आली.
परीक्षा परिषदेकडून अभियोग्यता व बुद्धिमत्ता चाचणी ऑनलाइन पद्धतीने २७ ते ३० मे आणि २ ते ५ जून या कालावधीत राज्यातील २६ जिल्हांमध्ये एकूण ६० परीक्षा केंद्रांवर करण्यात आले होते. या परीक्षेस एकूण २,२८,८०८ उमेदवारांनी नोंदणी केली होती, त्यापैकी परीक्षेस एकूण २,११,३०८ प्रविष्ठ झाले होते.

-गुणपत्रक संकेतस्थळावर
बी.एड. परीक्षेचे १५,७५६ प्रवीष्ठ व डी.एल.एड. परीक्षेचे १,३४२ प्रविष्ठ असे एकूण १७०९८ विद्यार्थी-उमेदवारांनी प्रविष्ठ म्हणून ऑनलाइन आवेदनपत्र भरले होते. १४ ऑगस्ट २०२५ अखेर बी.एड. परीक्षेचे ९९५१ व डी.एल.एड. परीक्षेचे ८२७ अशा एकूण १०७७८ प्रविष्ठ वि‌द्यार्थ्यांचा, उमे‌दवारांचा निकाल प्रसिद्ध करण्यात आला आहे.
परीक्षेस प्रविष्ट झालेल्या उमेदवारांची गुणयादी व गुणपत्रक परीक्षा परिषदेच्या www.mscepune.in या संकेतस्थळावर उपलब्ध करून देण्यात येत आहे.