१,८०० भजनी मंडळांना मिळणार अनुदान
मुंबई, ता. २२ : यावर्षीपासून प्रथमच गणेशोत्सवाला राज्य महोत्सवाचा दर्जा देण्यात आलेला आहे. यानिमित्ताने राज्यात विविध सांस्कृतिक कार्यक्रम व उपक्रमांचे आायोजन करण्यात येत आहे. याचाच एक भाग म्हणून राज्यभरातील १,८०० भजनी मंडळांना भजन साहित्य खरेदीसाठी २५,००० रुपयांचे भांडवली अनुदान वितरण करण्यात येणार आहे, अशी माहिती सांस्कृतिक कार्यमंत्री ॲड. आशीष शेलार यांनी दिली. याबाबतचे ऑनलाइन अर्ज २३ ऑगस्ट ते ६ सप्टेंबर, २०२५ या कालावधीत https://mahaanudan.org या संकेतस्थळावर उपलब्ध आहेत. जास्तीत जास्त भजनी मंडळांनी या अनुदानाचा लाभ घ्यावा, असे आवाहन सांस्कृतिक कार्यमंत्र्यांनी या वेळी केले आहे.