‘स्वस्थ नारी, सशक्त परिवार’
अभियानाला उत्स्फूर्त प्रतिसाद
सकाळ वृत्तसेवा
मुंबई, ता. ७ ः सार्वजनिक आरोग्य विभागामार्फत आयोजित ‘स्वस्थ नारी, सशक्त परिवार’ या विशेष अभियानाला राज्यात उत्स्फूर्त प्रतिसाद मिळाला. १७ सप्टेंबर ते २ ऑक्टोबर या कालावधीत राबविलेल्या या अभियानांतर्गत दोन लाख ३० हजार ६५३ आरोग्य शिबिरे घेण्यात आली. त्यात एक कोटी आठ लाख ५९ हजारांहून अधिक नागरिकांची तपासणी करण्यात आल्याचे सांगण्यात आले.
मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार यांच्या मार्गदर्शनात तसेच सार्वजनिक आरोग्यमंत्री प्रकाश आबिटकर यांच्या नेतृत्वात आयोजित या अभियानात महिलांच्या आरोग्यावर विशेष भर देण्यात आला. उच्च रक्तदाब, मधुमेह, कर्करोग, क्षयरोग, सिकलसेल, गर्भवती महिलांची तपासणी, बालकांचे लसीकरण आणि पोषण जनजागृती करण्यात आली. यावेळी १४ लाख लोकांची रक्तदाब तपासणी, १५ लाख लोकांची मधुमेह तपासणी, ११ लाख लोकांची कर्करोग तपासणी, १३ लाख लोकांची क्षयरोग तपासणी, १० लाख लोकांची ॲनिमिया तपासणी तसेच ६५ लाखांहून अधिक नागरिकांना आरोग्यविषयक मार्गदर्शन देण्यात आले. दरम्यान, या अभियानात १,९६९ रक्तदान शिबिरे घेऊन ५१ हजार ३३९ युनिट्स रक्त संकलित करण्यात आले, तसेच चार हजार ७६५ नागरिकांनी अवयवदानाची शपथ घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.