शिल्पा शेट्टीचा
परदेश दौरा रद्द

सकाळ वृत्तसेवा
मुंबई, ता. १६ : अभिनेत्री शिल्पा शेट्टी हिचा परदेश दाैरा रद्द केल्याची माहिती गुरुवारी (ता. १६) उच्च न्यायालयात देण्यात आली. २२ ते २७ ऑक्टाेबरदरम्यान व्‍यावसायिक कारणासाठी परदेशी जाण्याची परवानगी मिळावी, असा अर्ज शिल्पा शेट्टीच्या वतीने करण्यात आला हाेता. हा अर्ज माघारी घेत असल्याचे न्यायालयात तिच्या वकिलांच्या वतीने सांगण्यात आले.

भविष्यात परदेशात प्रवास करायचा असेल तेव्हा न्यायालयाच्या परवानगीसाठी पुन्हा नव्याने अर्ज दाखल करण्यात येईल, अशी माहितीही शिल्पा शेट्टीच्या वतीने देण्यात आली. त्याची दखल घेऊन मुख्य न्या. श्री चंद्रशेखर आणि न्या. गौतम अंखड यांच्या खंडपीठाने शेट्टीची मागणी मान्य केली. लूक आऊट नोटीस (एलओसी) रद्द करण्यासंदर्भात सुनावणी १७ नोव्हेंबरला हाेणार आहे.

याआधी शिल्पा आणि पती कुंद्रा याच्यावर ६० कोटी रुपयांचे कर्ज आणि फसवणुकीचा आरोप करण्यात आला होता. त्या पार्श्वभूमीवर त्यांना परदेशात जाण्याची परवानगी देता येणार नाही, असेही मुख्य न्यायालयाने सुनावून परदेश दाैऱ्याची परवानगी नाकारली हाेती. त्यानंतर व्यावसायिक कामासाठी  शिल्पासह तिचा मुलगाच परदेशात जाणार असल्याची माहिती  शिल्पा शेट्टीने मागील सुनावणीवेळी न्यायालयाला दिली होती. त्यासंदर्भातील कागदपत्रे न्यायालयाला सादर करण्याचे आदेश न्यायालयाने दिले होते.