वसई, ता. १४ (बातमीदार) : उन्हाळा वाढल्यामुळे पालघर जिल्ह्यात कलिंगड खरेदीला मागणी वाढली आहे. त्यामुळे विविध ठिकाणी विक्रेते दाखल झाले आहेत. त्याचबरोबर स्टॉलवर बर्फाच्या लादीमध्ये ठेवलेल्या कलिंगड, अननसाच्या फोडीदेखील विक्री केल्या जात असल्याचे पाहायला मिळत आहे.
उकाड्यात कलिंगड शरीराचा दाह कमी करतो. पाण्याची कमतरता टाळण्यासाठी नैसर्गिक फळ म्हणून कलिंगडकडे पाहिले जाते. सध्या उकाडा सुरू झाल्याने कडाक्याच्या उन्हात उत्तम पर्याय म्हणून नागरिक खरेदी करत आहेत. कलिंगडात ८० टक्के पाण्याचे प्रमाण असते; तर व्हिटॅमिन सी, ए, बी, लोह, कॅल्शियम अशा खनिजांचे प्रमाण अधिक असते. त्यामुळे या फळाला नागरिक पसंती देत आहेत. सर्वांत लहान कलिंगड २० ते ३० रुपयांना मिळते; तर मोठ्या कलिंगडाची किंमत १०० ते १२० रुपये इतकी आहे.
---------
लहान कलिंगडाला आतून लाल रंग व गोडी कमी असते. त्यामुळे मोठे व लालभडक खरेदी करण्यासाठी ग्राहकांचा कल अधिक असतो. यंदा बाजारात आलेल्या कलिंगडाची किंमत जास्त नाही. त्यामुळे ग्राहकांचा खरेदीकडे कल वाढला आहे.
- प्रवीण यादव, विक्रेता
----------
उन्हाळ्यात हंगामी फळ कलिंगड हा उत्तम पर्याय आहे. त्यामुळे खरेदी करतो. लाल व चविष्ट अशा कलिंगडाची निवड करतो. रासायनिक पदार्थ वापरलेल्या पेयापेक्षा नैसर्गिक कलिंगड रस पिणे हितकारक आहे.
- रॉबी रेमेडियस, ग्राहक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.