मुंबई : लालबाग परिसरात दोरीने गळ्याला फास लावून तरुणाची हत्या करण्यात आल्याची घटना उघडकीस आली आहे. याप्रकरणी तरुणाच्या भावाने केलेल्या तक्रारीवरून काळाचौकी पोलिसांनी अज्ञात व्यक्तींविरोधात गुन्हा दाखल केला. मसूद मिया ऊर्फ मासूम मिया रमझान सरकार (वय १९) असे मृत तरुणाचे नाव आहे. मसूदचा मृतदेह लालबाग परिसरातील एका इमारतीच्या १५ व्या मजल्यावरील सदनिकेत सापडला. हात-पाय बांधलेल्या अवस्थेत मृतदेह आढळल्यामुळे त्याची हत्या करण्यात आल्याचा पोलिसांना संशय आहे. याप्रकरणी पोलिस अधिक तपास करत आहेत.