सकाळ वृत्तसेवा

मुंबई, ता. २२ : मध्य रेल्वेने साईनगर शिर्डी - तिरुपती एक्स्प्रेस, अमरावती - तिरुपती एक्स्प्रेस आणि मुंबई - नांदेड एक्स्प्रेसच्या संरचनेत बदल करण्याचा निर्णय घेतला आहे. ट्रेन क्र. १७४१८ साईनगर शिर्डी - तिरुपती एक्स्प्रेस आणि ट्रेन क्र. १७४१७ तिरुपती - साईनगर शिर्डी एक्स्प्रेस या दोन्ही गाड्यांना एक द्वितीय वातानुकूलित, चार तृतीय वातानुकूलित, १० शयनयान, ६ सामान्य द्वितीय श्रेणी (ज्यामध्ये २ गार्ड ब्रेक व्हॅन आणि एक पँट्री कार) अशी सुधारित संरचना असणार आहे.

ट्रेन क्र. १२७६६ अमरावती - तिरुपती एक्स्प्रेस २७ मार्चपासून आणि ट्रेन क्र. १२७६५ तिरुपती - अमरावती एक्स्प्रेस २५ मार्चपासून सुधारित संरचनेनुसार धावणार आहे. अमरावती - तिरुपती एक्स्प्रेसला एक द्वितीय वातानुकूलित, ३ तृतीय वातानुकूलित, ८ शयनयान, ५ सामान्य द्वितीय श्रेणी (ज्यामध्ये २ गार्ड्स ब्रेक व्हॅन) अशी सुधारित संरचना असणार आहे. ट्रेन क्र. ०७४२७ एलटीटी - हुजूर साहिब नांदेड एक्स्प्रेस आणि ट्रेन क्र. ०७४२६ हुजूर साहिब नांदेड - एलटीटी एक्स्प्रेस या दोन्ही गाड्यांना १२ तृतीय वातानुकूलित, ६ शयनयान, एक पँट्री कार आणि दोन जनरेटर कम लगेज ब्रेक व्हॅन अशा सुधारित संरचनेनुसार धावणार आहे.