कासा, ता. ७ (बातमीदार) : मुंबई-अहमदाबाद महामार्गावर गुजरातहून मुंबईच्या दिशेकडे जाणारा कंटेनर आंबोलीजवळील पेट्रोल पंपासमोर रविवारी (ता. ७) सकाळी आठ वाजता उलटला. सिमेंट रेडीमिक्स भरून भरधाव जाणारा कंटेनर चालकाचे नियंत्रण सुटल्याने महामार्गाशेजारी उलटा झाला. यात चालकाला कोणतीही इजा झाली नाही. कंटेनर महामार्गाच्या बाजूस कोसळल्याने वाहतूक कोंडीदेखील झाली नाही. महामार्ग प्रशासन व महामार्ग पोलिसांनी घटनास्थळी पोहचून कारवाई केली.