चेंबूर ता. १६ (बातमीदार) ः चेंबूर येथील पालिका एम पश्चिम विभागांतर्गत जनरल अरुण कुमार वैद्य तरण तलावात पोहण्यास गेलेल्या वृद्ध व्यक्तीचा हृदयविकाराने मृत्यू झाला आहे. भरत राज (जय स्वामी नारायण, वय- ८०) असे या मृत व्यक्तीचे नाव आहे. ते घाटकोपर येथील चिरागनगर परिसरातील सावंत वाडी येथे राहत होते. गेले तीस वर्षापासून त्यांना तरण तलावात पोहण्याचा अनुभव होता. मंगळवारी नेहमीप्रमाणे सकाळी ते पोहण्यासाठी गेले असता ही घटना घडली. त्यांना उपचाराकरिता रुग्णालयात नेले होते; मात्र डॉक्टरानी तपासणी करून मृत घोषित केले.