कल्याण, ता. १ (बातमीदार) : कल्याण-डोंबिवली महापालिका आणि बी. के. बिर्ला महाविद्यालय यांच्या संयुक्त विद्यमाने आंतरराष्ट्रीय सायकल दिन व पर्यावरण दिनाचे औचित्य साधून शहरात भव्य सायकल रॅलीचे आयोजन करण्यात आले आहे. ही स्पर्धा रविवारी (४ जून) होणार असून कल्याण-डोंबिवली शहरातील नागरिकांनी भव्य सायकल रॅलीमध्ये उत्स्फूर्तपणे सहभाग घ्यावा, असे आवाहन पालिका अधिकारी प्रशांत भागवत यांनी केले आहे.