भिवंडी, ता. ८ (बातमीदार) : दीडपट पैसे मिळवू देण्याचे प्रलोभन दाखवून बारा लाखांची फसवणूक केल्याची घटना मागील आठवड्यात कोंगाव पोलिस ठाण्याच्या हद्दीत घडली होती. याप्रकरणी कोनगाव पोलिस ठाण्यात ३ जून रोजी गुन्हा दाखल करण्यात आला आहे. या गुन्ह्याचा समांतर तपास भिवंडी गुन्हे शाखा करत होती. त्यानुसार या गुन्ह्यातील तीन आरोपींना अटक करण्यात गुन्हे शाखेला यश आले आहे. पोलिसांना आरोपींकडून चार लाख रुपये हस्तगत करण्यात आले असल्याची माहिती गुन्हे शाखेने दिली आहे. संतोष ऊर्फ बाळू गायकवाड (वय ४०), मलिनाथ ऊर्फ मल्लेश डिंगी (वय ४५) व रोहित सतीश मोरे (वय २९) अशी अटक केलेल्या आरोपींची नावे असून ते तिघेही भिवंडी शहरातील पद्मानगर येथे राहतात.