मुंबई : स्वातंत्र्यवीर सावरकर राष्ट्रीय स्मारकातर्फे ज्येष्ठ गिर्यारोहक हरीश कपाडिया यांना शिखर सावरकर जीवनगौरव साहस पुरस्कार जाहीर करण्यात आला आहे. तसेच मुंबईतील मोहन हुले यांची उदयोन्मुख युवा गिर्यारोहक म्हणून, तर दुर्गसंवर्धन आणि सामाजिक कार्यात हातभार लावणाऱ्या ‘दुर्गवीर’ या संस्थेची उत्कृष्‍ट गिर्यारोहण संस्था म्हणून निवड केली आहे.
राष्ट्रीय पातळीवर गिर्यारोहणात विशेष उल्लेखनीय कार्य करणाऱ्या ज्येष्ठ गिर्यारोहकांना शिखर सावरकर जीवनगौरव साहस पुरस्कार दिला जातो. यंदा कपाडिया यांना गिर्यारोहणातील कामगिरीबद्दल राष्ट्रीय-आंतरराष्‍ट्रीय पातळीवर गौरवण्यात आले आहे. स्मृतिचिन्ह, प्रमाणपत्र आणि आकर्षक धनराशी असे या पुरस्कारांचे स्वरूप आहे. लवकरच या पुरस्कारांचे वितरण करण्यात येणार आहे.
२०१५ मध्ये स्वातंत्र्यवीरांच्या आत्मार्पणाचे ५० वे वर्ष होते. यानिमित्त स्मारकातर्फे हिमालयीन मोहिमेचे आयोजन करण्यात आले होते. त्यासाठी देशभरातील सात निष्णात गिर्यारोहकांची निवड केली होती. या पथकाने २३ ऑगस्ट २०१५ रोजी हिमाचल प्रदेशात कर्चानाला परिसरातील अनामिक हिमशिखर सर केले होते. हे हिमशिखर ‘शिखर सावरकर’ नावाने ओळखले जाते. या मोहिमेच्या पार्श्‍वभूमीवर चार वर्षांपासून शिखर सावरकर पुरस्कार देण्यात येत आहेत. ज्ञान, क्रीडा आणि साहसाद्वारे आदर्श तरुणांच्या पिढ्या घडवण्यासाठी स्मारक कायमच कटिबद्ध राहील, असे मत स्मारकाचे कार्याध्यक्ष रणजित सावरकर यांनी व्यक्त केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.