भिवंडी, ता. १४ (वार्ताहर)ः बांगलादेशातून भारतीय हद्दीत बेकायदा प्रवेश करून भिवंडी शहरात वास्तव्य करणाऱ्या बांगलादेशींची संख्या वाढली आहे. अशाच दोघांची दोन वेगवेगळ्या ठिकाणांहून पोलिसांनी धरपकड केली आहे.
शहरातील हनुमान टेकडी येथे देह व्यापारासाठी आणलेल्या ३५ वर्षीय महिलेला गुन्हे शाखेच्या अनैतिक मानवी वाहतूक प्रतिबंध कक्षाच्या पथकाने कारवाई करीत ताब्यात घेतले. तिला खोली भाड्याने देणाऱ्या दोघांविरोधात भिवंडी शहर पोलिस ठाण्यात गुन्हा नोंदवण्यात आला आहे. तर दुसऱ्या घटनेत रशेदुल शेख (वय ३२) काल्हेर येथून अटक करण्यात आली आहे. तो बिगारी काम करीत असल्याचे नारपोली पोलिसांच्या तपासात उघड झाले.