कर्करोगाविरुद्ध रंगांची उधळण
१७ मेपर्यंत अर्पण कलाप्रदर्शन
मुंबई, ता. १४ ः १७ वर्षांची चित्रकार किमाया सिंघानिया हिने ‘अर्पण आर्ट कलाप्रदर्शन’ या समूह प्रदर्शनात १२ ते १७ वयोगटातील होतकरू बालकलाकारांना एकत्र आणले आहे. हे प्रदर्शन १६ ते १८ मे २०२५ या कालावधीत ब्रीच कँडी येथील सिमरोझा आर्ट गॅलरीमध्ये पार पडत आहे.
सहयोग आर्ट फाउंडेशनच्या मदतीने आयोजित हे प्रदर्शन कर्करोगाशी झुंजणाऱ्या लहान मुलांसाठी समर्पित आहे. या प्रदर्शनातून मिळणाऱ्या उत्पन्नाचा काही भाग कडल्स फाउंडेशन या संस्थेला देण्यात येणार आहे. ही संस्‍था अशा मुलांना पोषण, भावनिक आधार व सन्मानाने उपचार मिळवून देण्याचे कार्य करते.
या प्रदर्शनात अ‍ॅक्रेलिक, मिक्स्ड मीडिया आणि शिल्पकला यांसारख्या विविध माध्यमांतील कलाकृती मांडण्यात आल्या आहेत. या कलाकृती २९ पेक्षा अधिक कलाकारांनी साकारल्या असून, त्यापैकी २२ मुले आहेत. उर्वरित व्यावसायिक कलाकार आहेत.
सहभागी बालकलाकारांमध्ये किमाया सिंघानिया व्यतिरिक्त आलिया ठक्कर, आहाना रामनाथन, अंतरा तिब्रेवाला, अन्वी पवार, हरमन सचदेव, जीविका मेहता, कृष्णा शर्मा, महाल्सा राव, माहि शेट्टी, महिमा सैनी, पहल बिरावत, प्रीतिका सराफ, राघव सुबंध, राजसी कामत, रेना हजारी, सारा मन्सुरी, सोहम राणे, त्विषा पिलानी, उमर मन्सुरी, वैष्णवी पवार आणि विधी दोशी यांचा समावेश आहे.
व्यावसायिक कलाकारांमध्ये अर्पितो गोपे, अनुपमा मांडवकर, रेवती शिवकुमार, सत्येन्द्र राणे, स्नेहा निकम, वैशाली कानडे आणि कमल अहमद यांचा सहभाग आहे.
दररोज सकाळी ११ ते संध्याकाळी या वेळेत हे प्रदर्शन रसिकांसाठी खुले असेल, अशी माहिती आयोजकांनी दिली.