मुरबाड, ता. १९ (वार्ताहर)ः तालुक्यात गेले दोन दिवस पावसाने चांगलाच जोर पकडला आहे. सततची रिपरिप सुरू असल्यामुळे सर्वच ठिकाणी शेतांमध्ये पाणी साचले आहे. तर काळू नदी धोक्याच्या पातळीवर वाहू लागल्याने बांदलपाडा-ठुणे मार्ग बंद झाला आहे.
ठुणे- पाडाळे- मिल्हे मार्गावरील बांदलपाडा ते ठुणेदरम्यान असलेल्या पुलावरून गुरुवारी (ता. १९) पहाटे चारच्या सुमारास पाणी गेल्याने नोकरदार तसेच शालेय विद्यार्थ्यांना जाता आले नाही. सकाळी दहानंतर पुलावरील पाणी ओसरले होते. या ठिकाणी उंच पूल बांधण्यात यावा, अशी मागणी अनेक वर्षांपासून ग्रामस्थ करीत आहेत; परंतु बांधकाम विभागाचे अधिकारी दुर्लक्ष करीत असल्याने दरवर्षी पावसाळ्यात काळू नदीला पूर आल्यावर पारगाव येथील राजमाता वाडीचा संपर्क तुटल्याने विद्यार्थी, नागरिकांची गैरसोय होते.
--------------------
विविध अडचणींचा सामना
जून ते ऑक्टोबर या चार महिन्यांच्या कालावधीत येथील नागरिकांना विविध अडचणींचा सामना करावा लागतो. त्यामुळे यंदा तरी या पुलाची उंची वाढविण्यासाठी निधी उपलब्ध करून बांधकाम करण्यात यावे, अशी मागणी ज्ञानेश्वर मुरबाडे यांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.