सकाळ वृत्तसेवा
ठाणे, ता. २३ : घोडबंदर रोडवरील कासारवडवली, खार्डी गाव आणि मानपाडा, हॅप्पी व्हॅली परिसरात झाड पडल्यामुळे सात गाड्यांचे नुकसान झाले आहे. या दोन्ही घटनांमध्ये कोणालाही दुखापत झाली नसल्याची माहिती आपत्ती व्यवस्थापन विभागाने दिली.
घोडबंदर रोडवरील कासारवडवली, खार्डी गाव येथे रविवारी (ता. २२) झाड पडल्याची माहिती आपत्ती व्यवस्थापन कक्षाचे कर्मचारी, अग्निशमन दलाचे जवान, महावितरणचे कर्मचारी, वृक्ष प्राधिकरण विभागाच्या कर्मचाऱ्यांना मिळाली होती. या घटनेत कोणालाही दुखापत झालेली आहे, मात्र चार गाड्यांचे नुकसान झाले आहे, तर दुसरी घटना सोमवारी (ता. २३) मानपाडा, हॅप्पी व्हॅली येथे घडली. या वेळी रस्त्यावरील तीन गाड्यांचे नुकसान झाले आहे. या घटनेत कोणालाही दुखापत झालेली नाही. महापालिकेचे अग्निशमन दलाचे जवान, आपत्ती व्यवस्थापन कक्षाचे कर्मचारी व वृक्ष प्राधिकरण विभागाच्या कर्मचाऱ्यांनी तातडीने कारवाई केली.