आकर्षक नफा देण्याचे आमिष दाखवत कोट्यवधीची फसवणूक
सकाळ वृत्तसेवा
ठाणे, ता. २६ ः डिवाइन पॉवर फॉरेक्स ट्रेडिंगमध्ये गुंतवणुकीवर आकर्षक नफा देण्याचे आमिष दाखवून लाखो नागरिकांची कोट्यवधी रुपयांची फसवणूक करणाऱ्या मुख्य सूत्रधाराला ठाणे पोलिसांनी अटक केली. संचालक अजय उसारे असे मुख्य आरोपीचे नाव आहे. उसारे हा तीन वर्षांपासून आपली ओळख दुबई आणि नेपाळ आदी ठिकाणी लपवून राहत होता. तसेच, यापूर्वी या गुन्ह्यात पाच जणांना अटक केल्याने आरोपींची संख्या सहा झाल्याची माहिती पोलिसांनी दिली.
वागळे इस्टेट रस्ता नंबर २२ येथील ओरियाना बिझनेस पार्कमध्ये डिवाइन पॉवर या कंपनीच्या नावाने कार्यालय उघडण्यात आले. या कंपनीने त्यांच्या विविध योजनांमध्ये गुंतवणूक केल्यास पुढील १५ महिने दरमहा १५ टक्क्याने व्याज देण्याचे आमिष दाखविले. या योजनांमध्ये फिर्यादी व इतर ९१ साक्षीदार गुंतवणूकदारांनी गुंतवणूक केलेल्या सात कोटी १४ लाख ९३ हजार ३४९ रुपये रकमेच्या फसवणूकप्रकरणी ७ ऑक्टोबर २०२४ रोजी वागळे इस्टेट पोलिस ठाण्यात गुन्हा दाखल झाला असून सायबर पोलिस तपास करीत आहेत.
या गुन्ह्याचा मुख्य सूत्रधार, संचालक अजय उसारे हा गुन्हा केल्यापासून मागील तीन वर्षांपासून आपली ओळख बदलून दुबई, नेपाळ या ठिकाणी राहत होता. सायबर पोलिस ठाणे येथील तपास पथक पोलिस निरीक्षक प्रियांका शेळके, सहाय्यक पोलिस निरीक्षक प्रदीप सरफरे, चेतन पाटील, पोलिस नाईक धीरज गायकवाड, प्रवीण आव्हाड यांनी आरोपी अजय उसारे याचा तांत्रिक तपासान्वये शोध घेत १६ जून २०२५ रोजी उत्तराखंड, डेहराडून येथून अटक केली. तसेच, येत्या गुरुवारी (ता. २६) रोजीपर्यंत पोलिस कोठडी मिळाली आहे. या गुन्ह्यात यापूर्वी पाच जणांना अटक केली असून सुमारे आठ कोटी रकमेची मालमत्ता संरक्षित करण्यात आली आहे. गुन्ह्याचा तपास पोलिस निरीक्षक प्रियांका शेळके करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.