नालासोपाऱ्यात आढळला मृतदेह

बोळिंज, ता. २ (बातमीदार) : नालासोपारा रेल्वे स्थानकाबाहेर मृतदेह आढळल्याने मोठी खळबळ माजली. रोटी हॉटेलजवळ मंगळवारी (ता. १) हा मृतदेह आढळून आला. या मृत व्यक्तीचे वय ३० ते ३५ वर्षे इतके असल्याचे सांगितले जात आहे. दरम्यान, हा मृतदेह गेल्या अनेक दिवसांपासून येथे असल्याचे सांगितले जात आहे. अचानक या ठिकाणाहून दुर्गंधी येऊ लागल्याने नागरिकांचे लक्ष या ठिकाणी गेले. नागरिकांनी या ठिकाणी मृतदेह असल्याचे समजले तेव्हा त्यांनी त्वरित या घटनेची माहिती पोलिसांना दिली. नालासोपारा पश्‍चिम पोलिसांनी घटनास्थळी धाव घेत हा मृतदेह ताब्यात घेतला. या मृतदेहाची ओळख पटविण्याचे काम पोलिस करीत आहेत.