सिलिंडरच्या स्फोटात एक जण जखमी
घाटकोपर, ता. २ (बातमीदार) ः घाटकोपर परिसरातील गावदेवी मंदिराजवळील एका घरात गॅस सिलिंडर स्फोटात एक जण जखमी झाला. ही घटना गावदेवी येथील रामदास बाबा चाळ येथे घडली. जखमी ओमप्रकाश यादव याला राजावाडी रुग्णालयात दाखल करण्यात आले आहे. अग्निशमन दलाच्या गाड्या आणि घाटकोपर पोलिसांनी घटनास्थळी पोहोचून आग आटोक्यात आणली. या घरामध्ये बेकायदा रंगकाम कारखाना चालवला जात होता, असे सांगण्यात येत आहे. या घटनेत घराचे नुकसान झाले आहे.