डोंबिवली (बातमीदार) : जनजागृती सेवा संस्थेच्या वतीने शिशुविहार विद्यामंदिर बदलापूर गाव या ग्रामीण भागातील शाळेमध्ये सॅनिटरी पॅडचे वाटप करण्यात आले. यावेळी कुळगाव-बदलापूर नगर परिषदेच्या आशा स्वयंसेविका संजीवनी पाटील यांनी वयात येणाऱ्या मुलींची शारीरिक वाढ, मासिक पाळी, आरोग्य, स्वच्छता, जनजागृती व इतर मूलभूत व आवश्यक गोष्टींची इत्यंभूत माहिती उपस्थित मुलींना सांगण्यात आली. तसेच सॅनिटरी पॅड वापरण्यासंदर्भात योग्य मार्गदर्शन संजीवनी पाटील यांनी केले. या वेळी अध्यक्षा विद्या साठे यांनी माजी कमांडिंग ‌‌अधिकारी ई-परिमंडळ बृहन्मुंबई, राष्ट्रपती पदक सन्मानित व संस्थेचे ज्येष्ठ सल्लागार दिलीप नारकर, संस्थेचे अध्यक्ष गुरुनाथ तिरपणकर यांनी लोककथासंग्रह पुस्तक व गुलाबपुष्प देऊन स्वागत केले. विद्या साठे, मुख्याध्यापिका अलका तारु यांना आभार पत्र, शाल, गुलाबपुष्प देऊन आभार मानण्यात आले. हा उपक्रम यशस्वी करण्यासाठी संजीवनी पाटील यांचे विशेष सहकार्य लाभले.