पेण, ता.‌३० (वार्ताहर): श्रावणात रक्षाबंधनानंतर येणाऱ्या दहीहंडी उत्सवाकरीता पेण तालुक्यातील गोविंद पथकांची उत्सव शिगेला पोहोचला असून पुरूषांबरोबर महिलांचीही पथकांनी सरावाला सुरूवात केली आहे.
दहीहंडीचा सण १६ ऑगस्ट असल्याने पेणच्या कुंभार आळी परिसरात वेगवेगळ्या प्रकारची मडकी बनविण्यास सुरुवात झाली आहे. साधारणपणे १५० रुपयांपासून ६०० ते ७०० रुपयांपर्यंत मडकी विकली जात आहेत तर बाजारात आत्तापासूनच दहीहंडीसाठी लागणारी सामान उपलब्ध झाले आहे. या सणाला अनन्यसाधारण महत्त्व असल्याने उंचच उंच थर लावून दहीहंडी लाखोंची बक्षिसे मिळवण्यासाठी गोविंदा पथकांमध्ये चढाओढ सुरू झाली आहे. तालुक्यातील वैकुंठ पाटील मित्र मंडळ, स्वराज्य मित्र मंडळ असा विविध मंडळांकडून तसेच शहरातील गोल्डन ग्रुप मंडळ, शिवसाई मित्र मंडळ, एकदंत मित्र मंडळ, ओरिजनल अष्टविनायक मित्र मंडळ, ललित पाटील मित्र मंडळ, वरदविनायक मित्र मंडळ, वक्रतुंड मित्र मंडळ आणि महिलांची शिवकन्या महिला मंडळाकडून लावण्यात येणारी दहीहंडी आकर्षणाचे केंद्र ठरणार आहे.
----------------------------------------
गोल्डन ग्रुप मित्र मंडळ दहीहंडी उत्सवाकरिता सज्ज झाला आहे. उंचीवरील दहीहंड्यांकरताचा सराव सुरू झाला आहे. मंडळाच्या माध्यमातून प्रत्येक सदस्याला वेगवेगळ्या रंगांचे टी-शर्ट देण्यात येत आहे.
- ऋषिकेश कोळी, अध्यक्ष, गोल्डन ग्रुपमित्र मंडळ, पेण