विद्यार्थ्यांना राखी बनविण्याचे प्रात्यक्षिक

रोहा, ता. ७ (बातमीदार) ः रक्षाबंधन सणाच्या पार्श्वभूमीवर श्रमिक विद्यालय चिल्हे येथे विद्यार्थ्यांना राखी बनविण्याचे प्रशिक्षण देण्यात आले. स्वामी विवेकानंद रिसर्च ट्रेनिंग ॲण्ड इन्स्टिट्यूट सेंटर रोहा व एक्सेल कंपनी यांच्या वतीने सुशील रूळेकर यांच्या मुख्य मार्गदर्शनाखाली हे प्रशिक्षण उपक्रम आयोजित केले होते. या वेळी प्रशिक्षक पूजा जाधव यांनी विविध प्रकारच्या राख्या बनविण्याचे प्रात्यक्षिक विद्यार्थ्यांना दाखवून त्यांच्याकडूनही राख्या बनवून घेण्यात आल्या. बाजारापेक्षा स्वतः तयार केलेली राखी मनास आनंद देते. याशिवाय स्वनिर्मितीचा एक वेगळा आनंदही मिळाला असल्याची प्रतिक्रिया आठवीतील आस्था थिटे व दिशा हळदे यांनी दिली.

फोटो कॅप्शन :
रोहा ः शालेय विद्यार्थ्यांना राखी बनविण्याचे शिक्षकांनी प्रात्यक्षिक दाखविले.