चौथ्या मजल्यावरून उडी घेतलेल्या तरुणाचा मृत्यू
सकाळ वृत्तसेवा
डोंबिवली, ता. ८ : एमआयडीसीतील एम्स रुग्णालयाच्या चौथ्या मजल्यावरून गुरुवारी (ता. ७) रात्री रोहित कटके या तरुणाने उडी मारली होती. यात तो गंभीर जखमी झाला होता. त्याच्यावर एम्स रुग्णालयात उपचार सुरू होते. उपचारादरम्यान मध्यरात्री दीड वाजता रोहितचा मृत्यू झाला आहे. रोहितने रुग्णालयाच्या इमारतीवरून उडी का घेतली, याचे कारण अद्याप अस्पष्ट असून, मानपाडा पोलिस या प्रकरणाचा तपास करीत आहेत.
रोहित याची आई मंदा कटके दोन वर्षांपासून कर्करोगाने ग्रस्त आहेत. त्यांना केमोथेरपीसाठी बुधवारी (ता. ६) एम्स रुग्णालयात दाखल करण्यात आले होते. रोहित हा गुरुवारी सायंकाळी चौथ्या मजल्यावरच्या खिडकीतून इमारतीच्या सज्जावर आला. त्याने उडी घेण्याचा प्रयत्न केला. या वेळी त्याला वाचविण्याकरिता अग्निशमन दलाच्या जवानांना पाचारण करण्यात आले होेते. त्यांनी जंपिंग शीट अंथरली, मात्र त्यांच्याकडे नेट नव्हते. त्यांनी इमारतीच्या खाली रुग्णालयातील गाद्या अंथरल्या. त्यातच रोहितने इमारतीतून उडी घेतली. त्यात तो जखमी झाला. त्याला उपचारासाठी दाखल केले गेले. उपचार घेत असताना रात्री उशिरा त्याचा मृत्यू झाला. घरगुती कारणावरून रोहितने आत्‍महत्या केल्याचा प्राथमिक अंदाज पोलिसांनी व्यक्त केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.