कालकाई माता क्रीडा सामाजिक संस्थेच्या वतीने मोफत गणवेशवाटप
पोलादपूर, ता. १३ (बातमीदार) ः तालुक्यातील कोतवाल बु. गावामध्ये कालकाई माता क्रीडा सामाजिक संस्था यांच्या वतीने मंगळवारी (ता. १२) कार्यक्रमाचे आयोजन करण्यात आले. या अंतर्गत तालुक्यातील विविध शाळांमधील विद्यार्थ्यांना व २० खेळाडूंना एकूण एक हजार ७७७ मोफत स्पोर्ट्स गणवेश वितरित करण्यात आले.
या वेळी कालकाई माता क्रीडा सामाजिक संस्थेचे संस्थापक पोलादपूरचे भूमिपुत्र भाजप गटनेते व आमदार प्रवीण दरेकर यांची मुख्य उपस्थिती होती. प्रवीण दरेकर यांनी पोलादपूर तालुक्याच्या सर्वांगीण विकासासाठी मी सतत कार्यरत आहे. जिल्हा परिषद शाळांमध्ये नव्या योजना राबवण्याचा आमचा संकल्प आहे आणि शैक्षणिक दर्जा उंचावण्यासाठी मी पूर्णपणे कटिबद्ध आहे. पोलादपूरच्या गतवैभव प्राप्तीसाठी जे काही करावे लागेल ते आपण निश्चित करू, असे त्यांनी सांगितले.
भाजप उपजिल्हाध्यक्ष बिपीन महामुनकर, माजी तालुका अध्यक्ष प्रसन्न पालांडे, महेश शिंदे, अनिल मोरे, तालुका अध्यक्ष वैभव चांदे, मागाठाणे महामंत्री कृष्णकांत दरेकर, शिवसेना तालुकाप्रमुख नीलेश अहिरे, मनसे तालुका अध्यक्ष दर्पण दरेकर, उद्योजक रामदास कळंबे, अनिल मोरे, दशरथ उतेकर, शिक्षक नेते सोपान चांदे, विशाखा समिती अध्यक्ष प्राजक्ता मोरे, दत्तात्रेय उतेकर, परशुराम दरेकर, सरपंच अविनाश शिंदे, परशुराम दरेकर, विजय दरेकर, गिरिधर दरेकर, समीर दरेकर, संतोष सकपाळ, संदेश सकपाळ, सुयोग दरेकर, मंगेश जाधव, ऋतिक कुटेकर, अमर कदम, आशुतोष दरेकर आदी उपस्थित होते.