नाका कामगाराचा वीज धक्क्याने मृत्यू

तारापूर, ता. १६ (बातमीदार) : बोईसर दांडीपाडा येथील रहिवासी आणि रेल्वेस्थानक परिसरात नाका कामगार म्हणून उदरनिर्वाह करणारा ३० वर्षीय राज पंडित याचा येथील कारखान्यात विजेचा धक्का लागून मृत्यू झाल्याची घटना शुक्रवारी (ता. १५) घडली. मिळालेल्या माहितीनुसार, तीव्र विद्युत धक्का बसला तेव्हा कारखाना बंद असल्याने घटनास्थळी इतर कोणीही नव्हते. यामुळे पंडित काही काळ तडफडत राहिला आणि अखेर त्याचा जागीच मृत्यू झाला. त्याला रुग्णालयात नेण्यात आले होते; मात्र डॉक्टरांनी मृत घोषित केले. मृतदेह शवविच्छेदनासाठी पाठविण्यात आला असून, पुढील तपास बोईसर पोलिसांकडून सुरू आहे.