मुसळधार पावसाने तारांबळ
उरण परिसर जलमय, अवजड वाहने खोळंबली
उरण, ता.१८ (वार्ताहर)ः समुद्रात कमी दाबाचा पट्टा निर्माण झाल्याने मुसळधार पावसाने रायगडसह उरणला झोडपून काढले. नाले ओढे तुडुंब भरून वाहू लागल्याने अनेक ठिकाणी सखल भागात पाणी साचले होते. तर मासेमारी बोटीना समुद्रात जाण्यासाठी बंदी घालण्यात आल्याने प्रवासीसह मच्छिमारांच्या बोटीही बंद ठेवण्यात आल्या होत्या.
पावसाने उघडीक दिल्याने उन्हाच्या काहीलीने नागरिक हैराण झाले होते. अशातच समुद्रात कमी दाबाचा पट्टा निर्माण झाल्याने तीन दिवसांपासून रायगडसह उरण परिसरात मुसळधार पावसाला सुरवात झाली आहे. रायगडचा समुद्रकिनारी असलेल्या उरण परिसराला मुसळधार पावसाने झोडपले. अनेक ठिकाणी सखल भागात पाणी साचले होते. जासईचा सेवा रस्ता शंकर मंदिर गव्हाणफाटा मार्ग पाण्याखाली गेला आहे. डोंगरावरून येणारे पाणी थेट रस्त्यावर येत आहे. तालुक्यातील अनेक रस्त्यावर पावसाने पाणी साचल्याने वाहन चालकांना अपघात होण्याची संभवाना निर्माण झाली होती.
़़़़़़़़़़़़़़़़़़़़़ः------------------------------
मच्छिमारी बोटी किनाऱ्यावर
काही दिवसापूर्वी बंदी काळात मासेमारी बोट बुडाली होती. संपूर्ण मासेमारी बोटी बंद ठेवण्याच्या सूचना शासनातर्फे देण्यात आल्या. तसेच दोन्ही मार्गांवरील मोरा ते भाऊचा धक्का, करंजा ते रेवस मार्गांवरील बोटी ही बंद ठेवण्यात आल्या आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.