आपट्याऐवजी कांचन पानांची विक्री
ठाणे शहर, ता. १ (बातमीदार) : दसऱ्याच्या सणानिमित्त एकमेकांना शुभेच्छा देताना आपट्याच्या पानांचा परंपरागत वापर असतो. बाजारातही सणासुदीच्या काळात आपट्याची पाने मोठ्या प्रमाणात विक्रीसाठी येतात, मात्र यंदा बाजारात आपट्यांच्या पानांऐवजी कांचन (कॅमलफूट ट्री) झाडाच्या पानांची विक्री वाढल्याने लोकांची फसवणूक असते.
आपट्यासारखीच दिसणारी परंतु आकाराने मोठी आणि मऊसर असलेली कांचनची पाने विकून लोकांची फसवणूक होत असल्याचे उत्सवप्रेमी नागरिकांनी चिंता व्यक्त केली आहे. आपट्याची पाने लहान, खरखरीत आणि जंगलातील झाडांवर मिळतात, तर कांचनच्या पानांना उंटाच्या पायासारखा आकार असतो आणि ती आकाराने मोठी, मुलायम व मऊसर असते. आयुर्वेदात दोन्ही झाडांना वेगळ्या प्रकारे महत्त्व आहे, पण सणाच्या काळात जंगलातील दुर्मिळ औषधी झाडांच्या फांद्यांच्या छाटणीमुळे त्यांचे अस्तित्व धोक्यात येत आहे. त्याचबरोबर, शहरीकरणामुळे ग्रामीण भागातील जंगलातील आपट्याची झाडे कमी होत आहेत. यामुळे बाजारात कांचनाच्या पानांची विक्री वाढली आहे, ज्यामुळे लोकांनी आपट्याची पाने घेताना अधिक काळजी घेण्याची गरज निर्माण झाली आहे. उत्सवांमध्ये वापरासाठी आपट्याची खरी पानेच वापरावी, अशी आवाहन नागरिकांकडून करण्यात येत आहे.