राज्यमार्गाचे काम वादाच्या भोवऱ्यात
कापडे गावातील खोदकामाला स्थानिकांचा विरोध
पोलादपूर, ता.७ (बातमीदार)ः पोलादपूर-महाबळेश्वर-वाई-सुरुर राज्य मार्गाचे रुंदीकरणाचे काम सुरू आहे. अनेक ठिकाणी डोंगर पोखरल्याने रस्ता अरुंद झालेला आहे. अशातच कोणत्याही पूर्वसूचनेशिवाय कापडे गावात सुरू असलेले खोदकाम ग्रामस्थांनी बंद पाडले आहे.
पोलादपूर-महाबळेश्वर रस्त्याचे काम सध्या प्रगतीपथावर आहे. हा रस्ता पोलादपूर तालुक्यातील आंबेनळी घाटातून जात असून पायटा गावापासून महाबळेश्वरकडे जाताना एक किलोमीटरचा परिसर दरडप्रवण क्षेत्रात आहे. डोंगरावरील माती जेसीबीच्या सहायाने काढण्याचे काम कंत्राटदार सुरू आहे. तसेच काही ठिकाणी मातीचे ढिगारे जैसे थे असल्याने एकेरी मार्गिकेमुळे अक्कलकोट, तुळजापूर, कोल्हापूर मिरज, महाबळेश्वर, नालासोपारासह वसई-पालघरकडे जाणाऱ्या वाहनचालकांना कसरत करावी लागत आहे.