बहिणीच्या प्रियकराच्या मावसभावावर चाकूहल्ला
भिवंडी, ता. ७ (वार्ताहर): बहिणीच्या प्रेमसंबंधाला विरोध करत प्रियकरासोबत पळून गेल्याच्या रागातून एका तरुणाने बहिणीच्या प्रियकराच्या मावसभावावर चाकूहल्ला करून गंभीर जखमी केल्याची घटना भिवंडीतील अंजूरफाटा परिसरात घडली. या हल्ल्यानंतर आरोपी पळून गेला असून, नारपोली पोलिस त्याचा शोध घेत आहेत.
पोलिसांनी दिलेल्या माहितीनुसार, जखमी लक्ष्मण नारायण मंडल हा रविवारी (ता. ५) रात्री साडेदहा वाजताच्या सुमारास अंजूरफाटा येथे मित्रांसोबत उभा होता. या वेळी तेथे आलेल्या गणेश शिंदे याने, ‘‘माझी बहीण सारिका ही तुझ्या मावसभाव पंकजसोबत पळून गेली आहे, या रागातून लक्ष्मणवर शिवीगाळ करत अचानक चाकूने पोटात वार केला. यामुळे लक्ष्मण गंभीर जखमी झाला. घटनेवेळी लक्ष्मणचे मित्र त्याला वाचवण्यासाठी पुढे आले असता, आरोपीने त्यांच्यावरही चाकू फिरवत दहशत निर्माण करण्याचा प्रयत्न केला. याप्रकरणी नारपोली पोलिस ठाण्यात गणेश शिंदेविरुद्ध गुन्हा दाखल करण्यात आला आहे. पोलिस पथक आरोपीच्या शोधात असून, तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.