११ रेल्वे कर्मचाऱ्यांना महाव्यवस्थापक सुरक्षा पुरस्कार
सकाळ वृत्तसेवा
मुंबई, ता.७ : रेल्वे कर्मचारी कर्तव्यावर असताना सतर्कता बाळगून अनुचित घटना टाळणाऱ्या मध्य रेल्वेच्या ११ रेल्वे कर्मचाऱ्यांचा महाव्यवस्थापकांकडून गौरव करण्यात आलेला आहे. मध्य रेल्वेच्या भुसावळ विभागाचे ३, मुंबई, पुणे, नागपूर आणि सोलापूर विभागाचे प्रत्येकी दोन अशा ११ मध्य रेल्वे कर्मचाऱ्यांना ‘महाव्यवस्थापक सुरक्षा पुरस्कार’ देण्यात आलेला आहे.
छत्रपती शिवाजी महाराज टर्मिनस (सीएसएमटी) येथे मंगळवारी (ता. ७) आयोजित कार्यक्रमात प्रसंगावधान दाखवून योग्य कामगिरी करणाऱ्याला या कर्मचाऱ्यांना ‘महाव्यवस्थापक सुरक्षा पुरस्कार’ प्रदान करण्यात आला. या पुरस्कारामध्ये पदक, प्रशंसा प्रमाणपत्र, अनुकरणीय सुरक्षा कार्याचे प्रशस्तिपत्रक आणि दोन हजार रुपये रोख पुरस्कार यांचा समावेश आहे. मुंबई विभागाच्या मोटरमन सी. एल. कुरील, पॉइंट्समन रवी रंजन कुमार, पुणे विभागाचे लोको पायलट (गुड्स ट्रेन) प्रेम प्रकाश, रेल्वे सुरक्षा दलाचे साहाय्यक उपनिरीक्षक विजय दिनकर पाटील, तर सोलापूर विभागाचे पॉइंट्समन प्रताप हिरू, ट्रॅक मेंटेनर भंवर सिंह यादव, नागपूर विभागाचे तंत्रज्ञ (सी अँड डब्ल्यू) रमा चौहान, साहाय्यक (सी अँड डब्ल्यू) पवन बाचले आणि भुसावळ विभागाचे वरिष्ठ विभाग अभियंता संतोष चौधरी, ट्रॅक मेंटेनर रोहित बोरीकर, तंत्रज्ञ (सी अँड डब्ल्यू) श्रीनिवास सिंह असे‘महाव्यवस्थापक सुरक्षा पुरस्कार’ विजेत्यांचे नाव आहे. मध्य रेल्वेचे महाव्यवस्थापक यांनी पुरस्कार प्राप्त कर्मचाऱ्यांचे कौतुक केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.