‘मेट्रो-३’च्या अखेरच्या टप्प्याचे पंतप्रधान करणार आज लोकार्पण
सकाळ वृत्तसेवा
मुंबई, ता. ७ : भुयारी मेट्रो-३च्या तिसऱ्या वरळी-कफ परेड या अखेरच्या टप्प्याचे उद्या बुधवारी (ता. ८) पंतप्रधान नरेंद्र मोदी यांच्या हस्ते लोकार्पण होणार आहे. नवी मुंबई विमानतळावर होणाऱ्या कार्यक्रमातून दूरदृश्यप्रणालीद्वारे पंतप्रधान हिरवा झेंडा दाखवणार आहेत. त्यानंतर दुसऱ्या दिवशी म्हणजे गुरुवारी सकाळपासून हा टप्पा प्रवासी सेवेत येणार आहे. त्यामुळे मुंबईकरांना मोठा दिलासा मिळणार आहे.
उपनगरांतून थेट फोर्ट, कफ परेडपर्यंत मुंबईकरांना वाहतूक कोंडीशिवाय जाता यावे म्हणून एमएमआरसीएलने सुमारे ३७ हजार कोटी रुपये खर्चून ३३ किलोमीटर लांबीची भुयारी मेट्रो मार्गिका उभारली आहे. त्याचा पहिला आरे-बीकेसी हा टप्पा ५ ऑक्टेबर २०२४ मध्ये सुरू केला असून, बीकेसी-वरळी आचार्य अत्रे चौक हा टप्पा ९ मे रोजी प्रवासीसेवेत आला आहे. त्यामुळे अखेरची आचार्य अत्रे चौक-कफ परेड हा सुमारे ११.५ किलोमीटर लांबीचा टप्पा कधी सेवेत येणार याची मुंबईकरांना प्रतीक्षा होती. त्याचे आता बुधवारी दुपारे लोकार्पण होणार आहे. गुरुवारपासून सकाळी ५.५५ वाजता पहिली मेट्रो गाडी सुटणार असून, रात्री १०.३० वाजता आरे आणि कफ परेडहून अखेरची गाडी सुटून ११.२५ वाजता अखेरच्या स्थानकात पोहोचेल. त्यामुळे मुंबईकरांना आरे-कफ परेड हा प्रवास अवघ्या ५० मिनिटांत पूर्ण करता येणार आहे.
...
‘मुंबई वन’ ॲपवर ११ सेवांचे तिकीट
मुंबापुरीसह एमएमआर क्षेत्रातील सार्वजनिक वाहतूक सेवांच्या माध्यमातून प्रवास करणाऱ्यांना आता मोठा दिलासा मिळणार आहे. ‘मुंबई वन’ इंटीग्रेटेड माॅबिलिटी ॲप तयार केले असून, त्याचे बुधवारी पंतप्रधान नरेंद्र मोदी यांच्या हस्ते लोकार्पण केले जाणार आहे. या ॲपच्या माध्यमातून प्रवाशांना मेट्रो, मोनो, लोकल ट्रेन, बेस्टसह ११ प्रवासी सेवांचे मोबाईलवर तिकीट काढता येणार आहे. सध्या मुंबईत मेट्रो, भुयारी मेट्रो, मोनोरेल, लोकल ट्रेन, बेस्टसह एमएमआर क्षेत्रातील इतर महापालिकांच्या परिवहन सेवा आहेत. मात्र त्यामधून प्रवास करणाऱ्यांना तिकीट काढण्यासाठी रांगा लावाव्या लागतात. आता या ॲपमुळे वेळेची बचत होणार आहे. या ॲपच्या माध्यमातून प्रवाशांना गाड्यांची रिअल टाइम माहितीही मिळणार असल्याने प्रवासाचे नियोजन करता येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.