मुंबई : मुंबई उपनगरचे जिल्हा ग्रंथालय अधिकारी संजय बनसोडे यांना माता सावित्री, फातिमा समाजभूषण पुरस्कार रविवारी (ता. १९) प्रदान करण्यात आला. कुर्ला येथील बाळासाहेब ठाकरे समाजकेंद्रात झालेल्या सत्कार सोहळ्यात आमदार मंगेश कुडाळकर, सार्वजनिक ग्रंथालयाचे अध्यक्ष के. ए. सय्यद , ग्रंथालयाचे अध्यक्ष यांचे हस्ते बनसोडे यांना पुरस्काराने सन्मानित करण्यात आले. आपल्या सेवेत ग्रंथालय चळवळ मजबूत करण्यासाठी राज्यभरात बनसोडे यांनी ३१ कार्यशाळा घेतल्या. त्यांच्या अथक प्रयत्नांमुळे मुलुंड येथे आधुनिक डिजिटल लायब्ररी उभी राहिली आहे. वाचनासोबत मनःस्वास्थ्यासाठी योग, विपश्यना सुरू करण्याचा अभिनव उपक्रम त्यांनी या ग्रंथालयात सुरू केला आहे.