अग्निशमन दल लढाऊ संघटनेचे मोठे यश
मुलुंड, ता. १६ (बातमीदार) : मुंबई अग्निशमन दलातील दुय्यम अधिकाऱ्यांच्या रखडलेल्या ५३ पदोन्नत्यांना अखेर यश मिळाले आहे. मुंबई अग्निशमन दल लढाऊ कामगार सेनेचे अध्यक्ष बाबा कदम यांच्या सातत्यपूर्ण पाठपुराव्यामुळे ही प्रलंबित प्रक्रिया मार्गी लागली. संघटनेने मागणी केल्यानुसार, प्रशासनाने अनुभवाची अट पाच वर्षांवरून तीन वर्षांपर्यंत कमी केली. या प्रयत्नांमुळे ऑक्टोबर २०२५ मध्ये प्रमुख अग्निशामक आणि यंत्रचालक पदावरील सर्व ५३ अधिकाऱ्यांना पदोन्नती मिळाली. यामुळे अग्निशमन दलातील कर्मचाऱ्यांमध्ये समाधानाचे वातावरण आहे.