ठाणे घोडबंदर मार्ग २४ तास बंद
मास्टिंगच्या कामासाठी रविवारी सुरुवात; अवजड वाहनांची वाहतूक बंद
ठाणे शहर, ता. ५ (बातमीदार) ः शहरातील घोडबंदर मार्ग रविवार (ता. ७) रात्री १२ वाजल्यापासून दुसऱ्या दिवशी रात्री १२ वाजेपर्यंत बंद ठेवण्यात येणार आहे. काजुपाडा ते फाउंटन हॉटेल मार्गादरम्यान ब्राऊटिंग आणि मास्टिंगचे काम करण्यात येणार आहे. त्याकरिता २४ तासांसाठी हा मार्ग जड-अवजड वाहनांच्या वाहतुकीसाठी बंद ठेवला जाणार आहे. गायमुख घाटात हलक्या वाहनांची वाहतूक विरुद्ध दिशेने सुरू ठेवण्यात येणार आहे.
घोडबंदर मार्गावरील गायमुख घाट, काजुपाडा ते फाउंटन हॉटेलदरम्यान रस्त्यावर खड्ड्यांचे साम्राज्य निर्माण झाले आहे. या खड्ड्यांमुळे मार्गावर मोठ्या प्रमाणात वाहतूक कोंडी होत आहे. ही कोंडी दूर करण्यासाठी मिरा-भाईंदर महानगरपालिकेच्या हद्दीत रस्ता दुरुस्तीचे काम करण्यात येत आहे. खड्डे बुजवून झाल्यानंतर त्यावर मास्टिंग केले जाणार आहे. तसेच गायमुख घाटाचीदेखील दुरुस्ती केली जाणार आहे. रविवार (ता. ७) पासून या कामाला सुरुवात होणार असून, २४ तासांसाठी (रात्री १२ ते रात्री १२) बंद ठेवण्यात येणार आहे. सर्व प्रकारच्या जड-अवजड वाहनांसाठी हा मार्ग बंद राहणार असून, हलकी वाहने गायमुख घाटापासून फाउंटन हॉटेल कटपर्यंत विरुद्ध दिशेने जाणार आहेत.

--चाैकट
प्रवेश बंद : कापूरबावडी जंक्शन, खारेगाव टोलनाका, मानकोली नाका

पर्यायी मार्ग : नाशिक रोडने खारेगाव टोलनाका मानकोली, कशेळी, अंजुरफाटा, खारेगाव खाडी पुलाखालून, मानकोली पुलाखालून.

यांना असेल पारवानगी :
पोलिस वाहने, फायर ब्रिगेड, रुग्णवाहिका, ग्रीन कॉरिडॉर, ऑक्सिजन गॅस वाहने