नागाव : टोप (ता. हातकणंगले) येथील महिलेचा सर्पदंशामुळे मृत्यू झाला. सुनीता सर्जेराव पाटील (वय ५५, रा. टोप, ता. हातकणंगले) असे मृत महिलेचे नाव आहे. कासारवाडी येथील शेतात काम करताना सकाळी सव्वा अकराच्या सुमारास त्यांना सर्पदंश झाला होता. कोल्हापुरातील सरकारी दवाखान्यात उपचार सुरू असताना दुपारी अडीचच्या सुमारास त्यांचा मृत्यू झाला. त्यांचा मुलगा प्रमोद पाटील याने त्यांना तातडीने उपचारासाठी कोल्हापूर येथील सरकारी रुग्णालयात नेले. मात्र, विषाचा संसर्ग शरीरात जास्त झाल्याने उपचारांना प्रतिसाद मिळाला नाही. सीपीआर पोलिस चौकीत या घटनेची नोंद झाली.
