मुंबई : माजी आदिवासी विकास मंत्री व भाजपचे ज्येष्ठ नेते विष्णू सावरा यांच्या निधनाने आदिवासी बांधवांचा बुलंद आवाज हरपला अशी शोकभावना माजी अर्थमंत्री आणि आमदार सुधीर मुनगंटीवार यांनी व्यक्त केली आहे.

विष्णू सवरा यांनी  कार्यक्षम व कार्यतत्पर लोकप्रतिनिधी म्हणून स्वतःची ओळख निर्माण केली. तळागाळातील सामान्य माणसाच्या उत्थानासाठी ते आयुष्यभर झटले . विधानसभेत आदिवासी बांधवांच्या हक्कासाठी बुलंद होणारा त्यांचा आवाज त्यांचा सहकारी म्हणून मी जवळून अनुभवला आहे. आदिवासी विकास मंत्री म्हणून त्यांनी आदिवासी बांधवांच्या हिताचे अनेक निर्णय घेतले. आदिवासी समाजात भाजपचे संघटन बळकट करण्यासाठी त्यांनी  कायम परिश्रम घेतले. त्यांच्या निधनाने भारतीय जनता पार्टीची तसेच एकूणच राजकिय व सामाजिक क्षेत्राची  मोठी हानी झाली असल्याचे आ. मुनगंटीवार यांनी म्हटले आहे.

महत्त्वाची बातमी : आता महिलांना मिळणार अधिक 'शक्ती', मंत्रिमंडळ बैठकीत शक्ती कायद्याला मंजुरी

कोकिळाबेन रूग्णालयात घेतला अखेरचा श्वास : 

आदिवासी विकास मंत्री विष्णू सावरा यांचं निधन झालंय. मुंबईतल्या कोकिळाबेन रूग्णालयात त्यांनी अखेरचा श्वास घेतला. प्रकृती अस्वास्थ्यामुळे त्यांच्यावर उपचार सुरू होते. मात्र उपचारादरम्यान त्यांनी प्राणज्योत मालवली आहे.

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai 

tribal brothers lost their strong voice vinshu shvara passes away