मुंबई - आयपीएल स्पर्धेतील चेन्नई सुपरकिंग आणि दिल्ली कॅपिटल संघांमध्ये झालेल्या सामन्यावर ऑनलाईन संकेतस्थळावरून सट्टा घेणाऱ्या दोघांना गुन्हे शाखेच्या पोलिसांनी जुहूमधून अटक केली. वरिष्ठ पोलिस निरीक्षक महेश देसाई यांच्या मार्गदर्शनाखाली पोलिस निरीक्षक आशा कोरके व त्यांच्या पथकाने सट्टेबाजांवरही कारवाई केली.

आरोपींकडून सात मोबाईल, दोन लॅपटॉप, एक नोटबुक, सुमारे सात लाख किमतीचे भारतीय व परदेशी चलन हस्तगत करण्यात आले आहे. एक आरोपी ब्रिटिश नागरिक असून, त्यामागे आंतरराष्ट्रीय सट्टेबाज टोळीचा सहभाग असल्याचा संशय व्यक्त करण्यात येत आहे. हॉटेलमध्ये रूम बुक करून त्यातून सट्टा स्वीकारला जायचा. आरोपींनी संकेतस्थळाच्या लिंक अनेकांना पाठवल्याचे तपासात निष्पन्न झाले आहे.