वज्रेश्वरी : भिवंडी तालुक्यातील वज्रेश्वरी या तीर्थक्षेत्रा मधील आरोग्य सेवा देणाऱ्या प्राथमिक आरोग्य सेवा केंद्रांचे डॉक्टर, कर्मचारी तसेच औषध तूटवडा वाहन नसने यामुळे गेले वर्षभरा पासून येथील आरोग्य सेवेचा बोजवारा उडाला आहे. येथील ग्रामस्थांना त्यासाठी खाजगी दवाखाण्याकडे जावे लागत असल्याने ग्रामस्थांमधून संताप व्यक्त केला जात आहे. 

भिवंडी तालुक्यातील वज्रेश्वरी येथे जिल्हा परिषदेचे प्राथमिक आरोग्य केंद्र आहे. या ठिकाणी गेल्या वर्षभरा पासून आरोग्य सेवा कोलमडून पडली आहे. या केंद्रावर जिल्हा परिषदेकडून 2 निवासी डॉक्टर, तसेच, परिचारीका आदी सह विविध कर्मचारी नेमले आहेत. मात्र या ठिकाणी रात्री बेरात्री सर्प दंश, विंचू, मलेरिया ताप असे रुग्ण गेल्यास या ठिकाणी ना डॉक्टर, ना कुठला कर्मचारी यांचा ठाव ठिकाणा नसतो. आपातकालीन स्थितीत कुठलाही वैद्यकीय सेवा पुरवली जात नसल्याने वज्रेश्वरी प्राथमिक आरोग्य केंद्राची तसेच कर्मचाऱ्यांच्या स्टाफबाबत चौकशी करावी व येथील आरोग्य सेवा सुरळीत करावी. अशी मागणी बाळ शास्त्री जांभेकर राज्य मराठी पत्रकार संघाचे भिवंडी तालुका अध्यक्ष दीपक हीरे यांनी ठाणे येथील मुख्य कार्यकारी अधिकारीयांचेकडे केली आहे. 

गेल्या महिन्यात या आरोग्यकेंद्रावर एका महिलेस हृदय विकारचा झटका आला होता. मात्र, 108 क्रमांकावरील रुग्णवाहीका, डॉक्टर आणि कर्मचारी उपस्थित नसल्याने वैद्यकीय सेवा न मिळल्याने सदर महिलेस प्राण गमवावे लागले. तरी प्रशासनाने या आरोग्य केंद्रकडे विशेष लक्ष् द्यावे अशी मागणी ग्रामस्थांकडून होत आहे.