मंगळवेढा - तालुक्यातील बोराळे मुंढेवाडी शिवारातील महावितरण कंपनीच्या तारा व खांब पडल्याने शेतकऱ्यांना रब्बी पिकाची मशागत करणे शक्य होत नाही. परिणामी हे क्षेत्र पडीक ठेवण्याची वेळ आली आहे. काही विजेच्या तारा लोंबकळत ठेवल्याने शार्टसर्कीमुळे ऊस शेतीचे नुकसान होत आहे. महावितरणच्या निष्काळजी कारभाराबद्दलचे वृत्त  सकाळने प्रसिद्ध करताच हे साहित्य उचलून नेण्यास सुरूवात केल्याने शेतकऱ्यांतून समाधान व्यक्त केले जात आहे.

शेतीतील उत्पन्न न निघाल्याने शेतकऱ्यांचे आर्थिक नुकसान होत आहे. तारा व विजेच्या साहित्याची चोरी होत असताना याकडे महावितरण कंपनीने दुर्लक्ष केले आहे. किरकोळ साहित्याची चोरी झाल्यावर गुन्हा दाखल करणारी महावितरण कंपनी एवढया मोठया लाईनबददल निष्काळजी कशी? असा सवाल सकाळच्या बातमीतुन विचारला गेला होता. याबाबतचे वृत्त प्रसिद्ध करतात हे साहित्य उचलण्यात येत आहे. शेतकऱ्यांचे पडीक क्षेत्र आता वापरात येणार आहे.

अस्ताव्यस्त पडलेले साहित्य महावितरणच्या गोदामात गेल्यामुळे भविष्यात एखाद्या साहित्याचा पुर्नवापर होऊ शकतो.