नगर : उत्सव काळात शहरबंदी केलेला राष्ट्रवादी कॉंग्रेसचा नगरसेवक समद खान मुकुंदनगर परिसरात राजरोस फिरताना आढळून आला. पोलिसांनी त्याला पकडण्याचा प्रयत्न केला. मात्र, तो धक्काबुक्की करून पसार झाला. याबाबत भिंगार कॅम्प पोलिस ठाण्यात गुन्हा दाखल झाला आहे.

गणेशोत्सव आणि मोहरमच्या काळात शहरातील उपद्रवी लोकांना पोलिस व प्रांताधिकाऱ्यांनी शहरबंदी केली होती. त्यात नगरसेवक समद खानचा समावेश आहे. भिंगार कॅम्पचे पोलिस मुकुंदनगर परिसरात उपद्रवी लोकांच्या घरी जाऊन चौकशी करीत असताना समद खान राजरोस फिरताना दिसला. पोलिसांनी त्याला अडविण्याचा प्रयत्न केला. परंतु तो धक्काबुक्की करून वाहनातून पसार झाला.
याबाबत पोलिस हेडकॉन्स्टेबल अजय नगरे यांच्या फिर्यादीवरून भिंगार कॅम्प पोलिस ठाण्यात सरकारी कामात अडथळा आणल्याचा गुन्हा दाखल झाला आहे.