इचलकरंजी (कोल्हापूर) : मिशन मंगलपासून राधे राधे, मल्हारी मल्हारी ते टिक टिकपर्यंत वेगवेगळ्या गीतावर अत्यंत नेत्रदीपक नृत्य येथील विशेष मुलांनी सादर केले. येथील सन्मती बौद्धिक अक्षम मुलांची शाळा, सन्मती व्यवसाय प्रशिक्षण केंद्र आणि दिशा अध्ययन अक्षम मुलांची शाळा या शाळेतील स्नेहसंमेलनात मुलांनी सादर केलेली नृत्ये उपस्थितांची दाद मिळवून गेली.
येथील जैन शैक्षणिक व सांस्कृतिक मंडळ संचलित वरील तीन शाळांमध्ये दीडशेहून अधिक विद्यार्थी शिक्षण घेतात. विशेष मुलेही कलेमध्ये किती पारंगत होऊ शकतात, याचे दर्शन यानिमित्ताने झाले. कार्यक्रमाचे उद्‌घाटन रोटरी क्‍लब एक्झिक्युटिव्हचे अध्यक्ष गिरीष कुलकर्णी, उद्योजक जितेंद्र पारीख यांच्या हस्ते झाले. 

हे पण वाचा ः मटण खाताय, मग ही बातमी वाचाच ; मृत कोंबड्या, मेंढ्याच्या मटणाची विक्री

स्वागत संस्थेचे सचिव अमर डोंगरे यांनी केले. प्रास्ताविक अध्यक्ष सुभाष काडाप्पा यांनी केले. पाहुण्यांचा परिचय सुकुमार पोते यांनी करून दिला. यावेळी संस्थेचे उपाध्यक्ष डॉ. ए. के. चौगुले, माजी अध्यक्ष डॉ. कुबेर मगदूम, डॉ. पी. जे. बडबडे, डॉ. एस. डी. बरगाले, शाळेच्या अध्यक्षा प्रा. निर्मला ऐतवडे, उपाध्यक्ष संजय खूळ, सी. डी. लडगे, मधुकर मणेरे उपस्थित होते. सूत्रसंचालन तीर्थंकर माणगावे यांनी केले.

हे पण वाचा ः भल्या पहाटेच चार जणांवर काळाचा घाला, समोरून बस आली आणि...

<

>

सांस्कृतिक कार्यक्रमात प्रथम विद्यार्थ्यांनी गणेश वंदना सादर केली. आई तुझं देऊळ, टिक टिक प्लास्टिक, ऑल इज वेल, ढगाला लागली कळं, आली कडक लक्ष्मी अशा अनेक गीतांवर नेत्रदीपक नृत्य विद्यार्थ्यांनी सादर केले. देशभक्तिपर अनेक नृत्ये या विद्यार्थ्यांनी सादर केली. सांस्कृतिक कार्यक्रमाचे सूत्रसंचालन मोनिका जाजू यांनी केले. येथील उत्तम चित्रमंदिरमध्ये झालेल्या या कार्यक्रमास पालक वर्ग मोठ्या संख्येने उपस्थित होता.