मंगळवेढा : शेगावहून निघालेल्या संत गजानन महाराज यांच्या पालखीचे आज शहरात भक्तिमय वातावरणात आगमन झाले.

सर्वप्रथम दामाजी महाविदयालय येथे अध्यक्ष राहुल शहा, प्राचार्य एन.बी.पवार, किसन गवळी बासाहेब पाटील, अ‍ॅड रमेश जोशी यांनी स्वागत केले. तर बोराळे नाका येथे नगराध्यक्षा अरुणा माळी, संत दामाजी साखर कारखान्याचे चेअरमन समाधान आवताडे, उपाध्यक्ष आंबादास कुलकर्णी, भारत निकम, प.स. सभापती प्रदीप खांडेकर, समाजकल्याण सभापती शिला शिवशरण पक्षनेते अजित जगताप, सचिन शिवशरण राजश्री टाकणे भागीरथी नागणे सचिन शिंदे  संकेत खटके सोमनाथ माळी आदीसह विविध पक्षाच्या मान्यवर व शहरातील नागरिकानी पालखीचे स्वागत करून दर्शन घेतले.

या पालखी सोबत 1150 वारकरी असून याशिवाय तीन घोडे, संगीत बॅड असा लवाजमा आहे. या वर्षी भाविकांच्या सोयीकरिता दर्शनबारी उभारण्यात आली आहे. नगरपालिकेने मुक्काम परिसरात औषधफवारणी केली, शहरातील रस्त्याची दुरुस्ती केली वारकर्‍यांच्या सेवेसाठी भोजनाची, न्याहरीची सोय करण्यात आली आहे. पालखी स्वागतासाठी रांगोळ्याच्या पायघड्या घातल्या आहेत. पोलिस स्टेशन कडून शहरातील  पोलिस मित्रांची मदत घेत पालखी साठी चोख बंदोबस्त ठेवला.शहरातील भाविकांनी दर्शनासाठी गर्दी केली.