श्रीरामपूर ः कोरोनाच्या कहरामुळे माणसांचा माणुसकीवरील विश्वास उडाला आहे. इतकी भयानक स्थिती निर्माण झाली आहे. मात्र, काहीजणांची दारू गाळायचं काम सुरू आहे. अजूनही काही लोक व्यसन करण्यातच दंग आहेत. त्यांना देशासमोरील भयानक परिस्थितीचे काहीच देणेघेणे नाही.

शहरासह तालुक्यातील खंडाळा, नांदुर, गोंधवणी, पढेगाव परिसरातील गावठी दारुच्या भट्यांवर स्थानिक गुन्हे शाखेने काल (ता 2) छापे टाकुन सुमारे चार लाख तीन हजार रुपयांचे गावठी दारुचे कच्चे रसायन जप्त केले. पोलिसांनी याप्रकरणी तालुक्यातील विविध ठिकाणंच्या तेरा जणांविरुद्ध काल रात्री उशिरा शहर पोलिस ठाण्यात गुन्हे नोंदविले.
पोलिसांनी सुनिता फुलारी (वय 40), मंदा फुलारी (वय 50), मंदा गायकवाड (वय 45. सर्व रा. साईनगर, प्रभाग तीन), सुनिल गवळी (वय 39,प्रभाग दोन), पप्पु पवार (वय 30. रा. सुतगिरणी फाटा), उषा काळे (वय 45 रा. कदमवस्ती, गोंधवणी), इंदुबाई जाधव (वय 57. रा. सरस्वती कॉलनी), विजुबाई जाधव (वय 70), विमल जाधव (वय 40), संदीप जाधव (वय 36, तिघे रा. नांदुर बु), राजेश महाजन (वय 25 रा.खंडाळा), संतोष गिरहे (रा.राजुरी), रवी माळी (वय 24 रा.पढेगांव) यांच्याविरुद्ध कारवाई करुन चार लाख तीन हजार रुपयांचे गावठी दारुचे कच्चे रसायण जप्त केले. 
स्थानिक गुन्हे अन्वेषण शाखेने याप्रकरणी दिलेल्या फिर्यादीवरुन काल (ता 2) रात्री उशिरा शहर पोलिस ठाण्यात गुन्हे दाखल केल्याची माहिती शहर पोलिसांनी दिली. सदर करावाई पोलीस अधिक्षक अखिलेश कुमारसिंह, अपर पोलीस अधीक्षक सागर पाटील, दिपाली काळे, उपविभागीय पोलीस अधिकारी राहुल मदने यांच्या मार्गदर्शनाखाली नगर येथील स्थानिक गुन्हे शाखेने केली.