कऱ्हाड - भिमा कोरेगाव येॆथील घटनेचे पडसाद आज (मंगळवारी) शहर परिसरात उमटले. शहरातील चार ते पाच ठिकाणच्या इमारतीसह दोन एसटी बससह पाच चारचाकी वाहने फोडण्यात आली.

दुपारी बारा नंतर उसळलेली स्थिती आटोक्यात आणण्यासाठी अधिक पोलिसांची कुमक बोलवण्यात आली आहे. येथे जमावाने एक एसटी बस फोडली.  येथे बस स्थानक परिसरातील हाॅटेल अलंकार, काॅटेज हाॅस्पीटल परिसरातील इमारती, संकेत लॅबोरेटीज, जनता बझार, अर्बन बझारवर दगडफेक झाली. त्यात काचांचे मोठे नुकसान झाले आहे. त्याची माहिती शहरात सर्वत्र वाऱ्यासारखी पसरली. येथील बाजारपेठेतही त्यामुळे बंद पाळण्यात आला.

जमावाने विजय दिवस चौक, जनता बॅंक परिसर, काॅटेज हाॅस्पीटल परिसर व स्टेट बॅकेजवळ पाच चार चाकी वाहने फोडण्यात आली. बसवर दगडफेक झाली आहेॆ. दगड फेकीचे सत्र तासभर सुरू होते. नंतर कार्यकर्त्यांनी बाजारपेठ बंद ठेवली. काही कार्यकर्त्यांनी भिमा कोरेगावच्या घटनेचा निषेध नोंदवला.