पश्चिम महाराष्ट्र

ऊसतोड कामगारांची २६० मुले शाळेत

प्रकाश कोकितकर

सेनापती कापशी - केल्याने होत आहे रे... असाच अनुभव कागल तालुक्‍यातील शिक्षण विभागात आला आहे. तालुक्‍यातील शिक्षकांनी सलग चार दिवस काम करून चक्क २६० ऊसतोडणी कामगारांच्या मुलांना थेट शाळेत आणून बसविले. राज्यातील १३ जिल्ह्यांतील ही मुले आहेत. यासाठी गटशिक्षणाधिकाऱ्यांपासून शिक्षकांपर्यंत सर्वांनी योगदान दिले. नियोजनबद्ध केलेला हा जिल्ह्यातील पहिलाच प्रयोग आहे.  

शासनाची मोहीम म्हणून दरवर्षी शालबाह्य विद्यार्थ्यांची नोंदणी झाली. मात्र, त्यापुढे गाडी सरकलीच नाही. या वर्षी मात्र गटशिक्षणाधिकारी गणपती कमळकर यांनी शिक्षणाधिकारी सुभाष चौगले यांच्या मार्गदर्शनाखाली धडक मोहीम राबविली.

चार दिवसांत संपूर्ण कागल तालुक्‍यातील ऊसतोडणी कामगारांच्या पालावर भेट देऊन २६० मुलांची नोंदणी नव्हे तर त्यांना शाळेत आणले. यामध्ये एकट्या बीड जिल्ह्यातील १९५ मुलांचा समावेश आहे. शिक्षक, मुख्याध्यापक, बीआरसी कर्मचारी आणि विस्तार अधिकाऱ्यांनी मनावर घेऊन काम केल्याने हे शक्‍य झाले. दरवर्षी गळीत हंगामाच्या चार महिन्यांच्या काळात ही मुले शाळेबाहेर राहतात. परिणामी पुढे त्यांच्या हातात ऊस तोडणीचा कोयताच येतो. तो दूर करण्यासाठीचे प्रयत्न सुरू आहेत. नियोजन करून संपूर्ण तालुक्‍यातून त्याची माहिती जमविण्यात आली. यामध्ये इयत्ता पहिलीपासून आठवीपर्यंतची मुले असून जिल्हानिहाय त्यांची संख्या अशी ः बीड (१९५), विजापूर (६), उस्मानाबाद (२३), अहमदनगर (२), सांगली (१), परभणी (७), जालणा (६), औरंगाबाद (३), लातूर (२), सोलापूर (६), बुलढाणा (३), नांदेड (४), हिंगोली (२). 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Eknath Shinde : कॉँग्रेसने ६० वर्षे देशाला बुडविले ; शिंदे

Prakash Ambedkar : सुळे, पाटलांमुळे बारामतीतून माघार ; डॉ. प्रकाश आंबेडकरांनी फोडले गुपित,यंदा खाते उघडणार

Water Scarcity : पिण्याच्या पाण्यासाठी दाहीदिशा वणवण ; राज्यात भीषण टंचाई,७४९५ वस्त्यांवर टँकरद्वारे पुरवठा

Daily Rashi Bhavishya : आजचे राशिभविष्य - 30 एप्रिल 2024

Latest Marathi News Live Update : PM मोदींची माढा, धाराशिवसह लातूरमध्ये सभा, तर 25 वर्षानंतर वेल्ह्यात धडाडणार शरद पवारांची तोफ

SCROLL FOR NEXT