Krishna River
Krishna River 
पश्चिम महाराष्ट्र

कृष्णाकाठी फुलतेय पर्यटकांची रम्य सायंकाळ

सकाळवृत्तसेवा

सांगली : सांगलीत सुटीचा आनंद लुटण्यासाठी काय आहे, असा प्रश्‍न नेहमी पडे. सुटीला आलेल्यांना काय दाखवायचे... कोठे घेऊन जायचे...असा प्रश्‍न सांगलीकरांना पडे. सध्या मात्र कृष्णाकाठी रम्य सायंकाळ...कृष्णेत बोटिंग...वाऱ्याची झुळूक...मावळतीच्या लाल केशरी छटा...पाण्यावर तरंगणे अनुभवत कृष्णातीरी सांगलीकर गर्दी करीत आहेत.

यंदा उन्हाळा चांगलाच चटका देत आहे. दुपारी घरातून बाहेर पडण्यावर बंदीच आली होती. रणरणती दुपार आणि सायंकाळी कृष्णातीरावर नागरिक गर्दी करीत आहेत. सकाळी नदीत मनसोक्‍त डुंबणाऱ्यांची संख्याही वाढली आहे. पंधरवड्यापूर्वी मगरीने फेरफटका मारल्यानंतरही पोहायला येणाऱ्यांची गर्दी कमी झालेली नाही. दुपारी कृष्णातीर रिकामा असतो. सायंकाळी पाचनंतर पर्यटक, नागरिकांच्या वर्दळीने फुलतो.
आयर्विन पुलाला केलेली विद्युत रोषणाई, सुशोभित केलेले वसंतदादा पाटील यांचे स्मारक, स्वामी समर्थ मंदिराबरोबर बोटिंगचा आनंद लुटण्यासाठी येणाऱ्यांची संख्या वाढली आहे. मावळतीच्या सूर्याची लालसर किरणे कृष्णेच्या प्रवाहात तरळताना पाहणे विलोभनीयच. त्यात मंद वाऱ्याची  झुळूक उल्हासित करते. रोषणाईने उजळणारा पूल आकर्षक दिसतो. विस्तीर्ण पात्रात फिरणाऱ्या बोटींचे दृश्‍य तर सायंकाळ रम्य करून जाते.

जिल्हाधिकारी शेखर गायकवाड यांच्या कल्पनेतून शहराला लाभलेल्या सुंदर नदीकाठाचा पर्यटकांसाठी बोटिंग सुरू करण्यास उपयोग करून घेतला. गतवर्षी सुरू झालेल्या बोटिंग क्‍लबच्या माध्यमातून नदीपात्रात नागरिक बोटिंगचा आनंद लुटत आहेत. वसंतदादा जन्मशताब्दीनिमित्त नदीत तयार केलेल्या तरंगत्या रंगमंचावरही सायंकाळी गर्दी होते. त्यावर बसून नदीच्या पाण्यात पाय हलवत गप्पांचे फड रंगत आहेत. सांगलीत आलेल्या पाहुण्यांना दाखवण्यासाठी काहीतरी उपलब्ध आहे, ही भावना सांगलीकरांनी सुखावह वाटत आहे. विशेष करून महिला, बालचमूंनी कृष्णाकाठ  उन्हाळ्यातही फुलत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

KKR vs DC : दिल्ली पॉईंट टेबलमध्ये मोठी उसळी घेणार की जेक फ्रेसर मॅर्कगर्कला केकेआर रोखणार?

CSK vs SRH IPL 2024 : चेन्नईनं पुन्हा जिंकला चेपॉकचा गड; हैदराबादची इतिहासातील सर्वात मोठी हार

Sambhajinagar : राज्यातील पहिल्या मोसंबी ग्रेडींग व्हॅक्सीन व कोल्ड स्टोरेज केंद्राचे काम पूर्णत्वाकडे

Share Market : शेअर बाजारातील किरकोळ गुंतवणूकदारांच्या संखेत वर्षात ४.०३ कोटींची वाढ; देशात 'हे' राज्य आघाडीवर

Pune Traffic Updates : पुणे विद्यापीठ चौकातील मेट्रोच्या कामानिमित्त वाहतुकीत बदल

SCROLL FOR NEXT