कोल्हापूर : महाराष्ट्र राज्य इरिगेशन फेडरेशनचे मार्गदर्शक आणि शेतकरी सहकारी संघाचे उपाध्यक्ष बाबासाहेब पाटील -भुयेकर यांचं आज दुपारी निधन झालं ते 78 वर्षाचे होते. गेल्या काही महिन्यांपासून ते कॅन्सरच्या आजारानं त्रस्त होते. शेतीपंपाची वीजदरवाढ, सरकारी पाणीपट्टी वाढी विरोधातील आंदोलनात ते अग्रेसर होते. (babasaheb-patil-bhuyekar-vice-president-of-shetkari-sahakari-sangh-died-today-kolhapur-marathi-news)ज्येष्ठ नेते प्रा.डॉ. एन ,डी पाटील यांच्या बरोबरीनं शेतकर्‍यांच्या अनेक प्रश्‍नांवरील आंदोलनात त्यांचा सक्रीय सहभाग होता.

वारणा नदीतून इचलकरंजी शहराला पाणी देण्यास नदी काठच्या दोन्ही बाजूच्या गावांतील लोकांचा विरोध होता. या आंदोलनासाठी संघटन करायचं कामही त्यांनी केलं होतं. गेल्या पंधरा दिवसांपासून त्यांची तब्येत खालावली होती. खासगी रूग्णालयातील उपचारानंतर ते घरीच होते. आज दुपारी साडेबाराच्या सुमारास त्यांची प्राणज्योत मालवली. त्यांच्या मागे पत्नी , दोन मुले, एक मुलगी असा परिवार आहे.